Ақпараттық сағат
31-мамыр – саяси қуғын-сүргін құрбандарын еске алу күніне орай саяси қуғын – сүргін құрбандарына арналған ескеткіш маңында «Зобалаң жылдар жаңғырығы» атты ақпараттық сағат өткізіліп, ұлт үшін жан кешкен боздақтарды бір минут үнсіздікпен еске алып, гүл шоқтары қойылды. Мұнда Алаш зиялылары туралы айтылып, «Сұрапыл жылдар» атты кітап көрмесі ұйымдастырылып, шолу жасалды.
Көрмеге қуғын-сүргін құрбандары туралы көптеген құнды еңбектер мен Алаштың ардақты ұлдары, қазақтың бес арысы Ш.Құдайбердіұлының, М.Жұмабаевтың, Ж.Аймауытовтың, М.Дулатовтың, А.Байтұрсыновтың, Алаш қозғалысының төл перзенті М.Шоқайдың және тағы да басқа ұлт зиялыларының өмірі мен шығармашылығы туралы жазылған кітаптар қамтылып, белсенді оқырмандары өздеріне қажетті ақпараттар алды.