22 сәуір күні Жайрем №12 кітапхана-филиалында 23-сәуір
Бүкіл дүниежүзілік кітап күніне арналған кенттің №30, №10, №11 мектептерінің оқырмандары арасында «Ең зерделі оқырман – 2022» сайысы өтті.
Сайыстың мақсаты : жастарды оқуға тарту, кітаптың құндылығын ұғындырып, дәстүрлі оқуды сақтау және дамыту, кітапхананың мерейін арттыру, үздік оқырманды анықтау.
Кітап мерекесіне арналған « Ең үздік оқырман» сайысымыз 4 бөлімнен тұрды:
1 - бөлім «Озық ойлы оқырман» сайыскердің өзін-өзі таныстыру
2 - бөлім «Кітап- білім бұлағы, білім – өнер шырағы» «Нақтылап ата» сайыскер берілген 2 шығарманың авторын атау керек.
3 - бөлім Суретті жұмбақтар: слайд арқылы суреттер беріледі сол суреттердің атауын орысша, қазақша, ағылшынша айту керек.
4 – бөлім Үй тапсырмасы: Сайыскер өзінің ұнатқан шығармасына «Буктрейлер»жасау.
Сайыс барысында оқырмандар берілген тапсырмаларды орындап, оқырмандар өздері дайындаған бейне материалдарын қорғап , өздері оқыған кітаптары жайлы пікір алмасып , кітап туралы қойылған сұрақтарға жауап берді. Сайыста белсенділік танытып , өзінің сүйікті кітабы өзі дайындаған «Буктрейлерін» ерекше таныстыра білген №11 ЖББОМ оқырманы Берденова Назерке «Ең зерделі оқырман» номинациясымен , өзінің тіл шеберлігін көрсеткен №10 ЖББОМ оқырманы Бектұрсын Мадина «Ең позитивті оқырман», сайыста өзінің кітап туралы ойын , сүйікті кітабы бойынша ақын өлеңін жатқа айтқан оқырманымыз №30 ЖББОМ атынан қатысқан Ерғали Ақниет «Ең шығармашыл оқырман» номинациясын иеленді. Сайысқа қатысқан оқырмандар мадақтама мен марапатталып, сыйлықтар табыс етілді. Сайыс өте тартымды ,қызықты өтті.Көпшілік іс-шара аясында оқырмандарға ұйымдастырылған « Түрлі жанрлар» және «Фэнтези әлемі» атты кітап көрмесі қойылып , шолу жасалды.