Халық даналығында «Кітап - білім бұлағы» деген сөз бар. Осы сөздің астарында терең мән жатыр. Шынымен де білімнің бастауы кітапта. Өзін дамытып, терең білім аламын деген адам кітапқа жүгінеді. Кітап жүректі үлкейтетін, жанды тазартатын, сананы көркейтіп, адамның рухани шөлін қандырар қайнар көзі. Ақынды ақын еткен де, жаманды жақсы еткен де кітап. Ал кітап пен оқырман арасын жалғап тұратын көпір, бұл – кітапхана.Отбасы күніне орай «Отбасылық оқу – озық дәстүр» жобасы аясында «Біздің отбасымыз кітаппен дос» атты акция өткізілді. Іс – шараға көп жылдар бойы адал дос болып келген сүйікті оқырман отбасыларымыз шақыртылды. Құлатаевтар отбасы мен Совватеевтер отбасы «Кітапқұмар» номинациясымен , «Үздік оқырмандар отбасы» номинациясымен Қасымовтар отбасы, «Тарихи кітаптар оқимыз» номинациясымен Сатановтар отбасы марапатталды.